सुंदरकांड दोहा संख्या ३५ :-
प्रभु पद पंकज नावहिं सीसा। गर्जहिं भालु महाबल कीसा।।
देखी राम सकल कपि सेना। चितइ कृपा करि राजिव नैना।।
राम कृपा बल पाइ कपिंदा। भए पच्छ जुत मनहुँ गिरिंदा।।
हरषि राम तब कीन्ह पयाना। सगुन भए सुंदर सुभ नाना।।
जासु सकल मंगलमय कीती। तासु पयान सगुन यह नीती।।
प्रभु पयान जाना बैदेहीं। फरकि बाम अंग जनु कहि देहीं।।
जोइ जोइ सगुन जानकिहि होई। असगुन भयउ रावनहि सोई।।
चला कटकु को बरनैं पारा। गर्जहिं बानर भालु अपारा।।
नख आयुध गिरि पादपधारी। चले गगन महि इच्छाचारी।।
केहरिनाद भालु कपि करहीं। डगमगाहिं दिग्गज चिक्करहीं।।
छन्द – चिक्करहिं दिग्गज डोल महि गिरि लोल सागर खरभरे।
मन हरष सभ गंधर्ब सुर मुनि नाग किंनर दुख टरे।।
कटकटहिं मर्कट बिकट भट बहु कोटि कोटिन्ह धावहीं।
जय राम प्रबल प्रताप कोसलनाथ गुन गन गावहीं ||१||
सहि सक न भार उदार अहिपति बार बारहिं मोहई।
गह दसन पुनि पुनि कमठ पृष्ट कठोर सो किमि सोहई।।
रघुबीर रूचिर प्रयान प्रस्थिति जानि परम सुहावनी।
जनु कमठ खर्पर सर्पराज सो लिखत अबिचल पावनी ||२||
दोहा – एहि बिधि जाइ कृपानिधि उतरे सागर तीर।
जहँ तहँ लागे खान फल भालु बिपुल कपि बीर ||३५||
Prabhu pad pankaj naavahin sisaa Garjahin bhaalu maahaabal kisaa
Dekhi Raama sakal kapi senaa Chitai krupaa kari raajiv neinaa
Raama krupaa bal paai kapindaa Bhaye pachhajut manahu girindaa
Harasi Raama tab kinh payaanaa Sagun bhaye sundar subh naanaa
Jaasu sakal magalmaya kirti Taasu payaan sagun yah niti
Prabhu payaan jaanaa beidehi Faraki baam ang janu kahi dehi
Joi joi sagun Jaankihi hoi Asagun bhayau Raavanhi soi
Chalaa kataku ko baranei paaraa Garjahi baanar bhaalu apaaraa
Nakh aayudh giri paadapdhaari Chale gagan mahi ichhaachaari
Kehari naad bhaalu kapi karahin Dagamagaahi diggaj chikkarahin
Chhand :-
Chikkaarahi diggaj dol mahi giri lol saagar kharbhare
Mana haras sabh gandharb sur muni naag kinnardukh tare
Katakatahi markat bikat bhat bahu koti kotinh dhaavahin
Jai Raama prabal prataap Koshalnaath gun gan gaavahin
Sahi sak na bhaar udaar ahipati baar baarahi mohaee
Gaha dasan puni puni kamath prusth kathor so kimi sohaee
Raghuvir ruchir prayaan prasthiti jaani param suhaavani
Janu kamath kharpar sarparaaj so likhat abichal paavani
Dohaa:-
Ehi bidhi jaai Krupaanidhi utare saagar tiir
Jaha taha laage khaan fala bhaalu bipul kapi biir ||35 ||